Yard Talk-3 Poem by Buxton Shippy

Word soun belch inna dis ya time ya
Wid riddim ridin high
Higher dan di light at noon
Word soun kick di hunga
Boilin inna pot a dub
A royal dub, dubbin out injustice
Dubbin in flava.

Who no know wa a gawn?
Who no know popoganda?
Havin di people dem flusta
Dem caa even musta
Di trute fi tell
Hope di people wise-up
An si dem tricks
War widout a cause is a blunda
Use di money fi aliviate hunga
Inna dis ya time ya.

Word soun triumph
So let dem clap
Claptrap an tek kick-back
Much as dem want
Fa fi dem soun empty
Wid no riddim
Wid no dub
Dubbin wise.