Z. 'N Bietjie Van Alles Poem by YURI DURAAN

Jy is alles vir my en dit
leef ek...
alles of niks,
of so het ek geglo

maar die lewe loop sy
eie draaie
en niks gebeur soos
dit noodwendig moet

Nou het ons 'n bietjie
van alles...

'n bietjie leed,
'n bietjie smart
'n bietjie soen
'n bietjie vreugde in die hart

En ek loop die lewe se draaie
geduldig (soos ek maar moet)
en ek bid en ek hoop
dat eendag...

al hierdie bietjies van ons
saamwees
die som sal wees van
alles