लाइमोन Poem by Didwmsha Basumatary

फौसालियाया नोंनि साइखंजों
गेले गेले माब्लाबाबो मेङा
फुरनिमानि लाजिस्लु समाइथिखौ
रेसम जोमैनि दखना फाइलिया
खोबथेयाथों मानो
थेउबो बियो हारसिं मिनिखुमायो ।

गोसोनि गलियाव
लागाम दौजानाय गराइफोरनो
आंनि मोजांमोननायनि रादाब होयो

आं मिथिनाय बायदिब्ला बिसोर
मुलुगजों लागाम दौजायानोनब्ला
रजेनि लाइमोनस्रिजों गाग्लि गाग्लि गेलेनानै
बिनि सोलेरखौ हाब्रु खालामगौमोन ।

नाथाय बिसोर
सुग्रेंजों खोल खोल बारी दुमथेनानै दोनजानाय
उदांस्रि गैयै जुनार ।

थेवबो बिसोर बिग्रायलु……

दाबो बिग्रायो बिसोर
बारी बारसिनानै गांसो जानो
लागाम बस'नानै उदांसावलिया जानो ।