माइदांस्रि Poem by Didwmsha Basumatary

(दुब्लिनि माइबिदांखौ नायना)
माइदां,
नोंनि जोनोमनि उननिफ्रायनो
रुम्बां रुम्बां महरखौ नुनानै
गोजोननाय थरथिंदों आंनि मेगनआव ।

बेरे फुंजानि
नोंनि बालें बालें
मोसाग्लांनायखौ नायनानै गोजोनो आं
सोमखोरनि उनाव
गोमो बिलाइजों
खोबथेनाय नोंनि लाजिगुसु महरआ
फुंनि रुफथि निहोरजों
जारौ मारौ समाइसिनबावो ।

नोंखौ आसाथिनानै
देग्लायनि फागुनआव
आंहा
जुलिनि रादाइ दं होननानैनो
रैखाथि होदों आं नोंखौ
सखा थुनि, एनजर थुनथिनीनिफ्राय ।

नोजोर दानांथों नों माइनाव -
रावनिबो ।