खनथाइ नेनानै Poem by Didwmsha Basumatary

खनथाइस्रि
नोंखौ नेनानै आं
दिनै आरांगाखौ गोजाम खालामनानै लालिया ।

नों फै जेब्ला गोसो अब्ला
आखाइयाव सोदोब सावगारि
मेगनआव दिनथि सावगारि
सोलेरगंसे गहेना गाननानै ।

नों फै
उदाङै गोसोबायदियै
आं साजाइगोन नोंखौ दानदिसे ।

नों फैयोब्ला बेराहैगोन
थुनलाइनि सानबोलावरियाव ।
नोंनि आखाइयाव हमनानै
नायगिदिंहैगोन सोदोबनि मेला
ओंथिनि बाइजाथु महर आरो जादू ।

नों फै
जेब्ला गोसो अब्ला ।
नाथाय
नोंखौ नेनानै आं दआरांगाखौ गोजाम खालामनानै लालिया ।