ଭରସା ଥିଲା
ଅଛି ବି,
ଆଉ ସେଥିପାଇଁ
ମୁଁ ଅଛି ଏଠି
ତୁମ ପାଖରେ
ଏ ଯାଏ ।
ଯୋଉମାନଙ୍କର
ଆଉ ଯୋଉମାନେ
କାଳସର୍ପ ଘେରରେ
ଆଉ କାଳସର୍ପ ଯୋଗରେ
ସେମାନଙ୍କୁ ମନେରଖ
ଆଉ ଏଡାଇଦିଅ ବାଁ ହାତରେ
ସେମାନେ ବିଶ୍ୱାସଘାତୀ
ଆଉ ବିଶ୍ୱାସଘାତକ ।
କହିଥିଲି ଆଉ କହୁଛି
ପରୀକ୍ଷା କରିନିଅ ସମୟ,
ଦେଖ, କିଏ କିଏ ସବୁ
କରି ଚାଲିଛନ୍ତି କଣ କଣ ।
ଚିହ୍ନିରଖ ଭ୍ରାତାଙ୍କ ବଦନ,
କରିଯାଅ କର୍ତବ୍ୟ ସମ୍ପାଦନ ।
ଯେ ଯେତେଲୋକ
ଦେଖୁଛ ଏଠି
ଜଣେ ବି ଶତ୍ରୁ ନୁହନ୍ତି ।
ଗୁଣ ଦେଖି ଗୁଣିଆ ହେବା
ତୁମକୁ ଯାହା ଜଣା ନାହିଁ ।
ତଥାପି ଚିନ୍ତା କର ନି,
ଆଗେଇ ଯାଅ, ତୁମ
ଭିତରେ ତ କିଛି ନାହିଁ,
କିଛି ଭାବିବାର ନାହିଁ ।
This poem has not been translated into any other language yet.
I would like to translate this poem