ଜୀବନର ରୋମାଂଚ Poem by Gajanan Mishra
Gajanan Mishra
ଜୀବନର ରୋମାଂଚ
ଅବିଶ୍ଵସ୍ତ କିଏ?
ଏ ସ୍ଥିତାବସ୍ଥାରେ
ଆଉ ବିକଳ୍ପ ଗଳିରେ
ଯେତେ ଯିଏ
ଖୋଜିଲେ ଉତ୍ତର
ପାଇଲେ କି ନ ପାଇଲେ
ଜଣା ନ ଥିଲା କିନ୍ତୁ
ଜଣା ପଡିଗଲା
ଗାଲୁଗପରେ କିଏ
କେତେ ଓସ୍ତାଦ ।
ସୁନାକୁ ପିତଳ
କହିବେ ଜୋର ଦେଇ ଲୋକେ,
ହଇହଲ୍ଲା କରିବେ ତୁଚ୍ଛାକୁ ।
ନିଜ ଗୋଡକୁ ନିଜେ
ଭାଙ୍ଗିବାକୁ ବସିବେ ।
ଯିବା ଆସିବା ପଥରେ
ନିଜେ ବିଛେଇବେ ଭଙ୍ଗାକାଚ ।
ସନ୍ଦେହରେ ବର୍ଷିବେ ଆକାଶ ଉପରେ,
ଆଉ ରହିବେ ସଦା ହିଂସ୍ର ।
କହିବେ କଣ କେତେବେଳେ
ନ ଥିବ ଠିକ୍ ଠିକଣା ।
ଗୋଳିଆ କରି ପାଣି
ମାଛ ବେଙ୍ଗ ଆଉ ଆଉ
ଧରିବାକୁ ହେବେ ହମ ହମ ।
ବାଁ ଡାଁ ହାତରେ ବଜେଇବେ ତାଳି
ଆଉ ସେଇ ଶବ୍ଦରେ ଚମକିବେ ନିଜେ ।
ଗଲା ଗଲା
ଆସିବ ଆସିବ
କିନ୍ତୁ ଅଛି ଯାହା
ଜଗି ରଖିବାକୁ
ନାହିଁ ପାଖରେ ମନ ।
ଅସନ୍ତୁଷ୍ଟ ସଦା
ଆଉ ଅସତର୍କ ବି ଏଠି ସେଠି ।
ଖାଇ ପିଇ ଶୋଇଗଲେ
ଗଲା କହି ବ୍ୟସ୍ତ ସଦା
ନିଜେ ନିଜର ଜାଲ ବୁଣାରେ ।
କହିବ କେମିତି ଆରେ ହେ
ନିରେଖ ଆଲୁଅ ଆଡକୁ,
କଳଙ୍କିଲଗା ବନ୍ଧୁକ ତୁମର
ନୁହେଁ କିଛି କାମର ।
ମିତ୍ର ଅରି ମେଳରେ
ଜୀବନର ରୋମାଂଚ
ପରଖିବାକୁ ବି ନାହିଁ ବେଳ ।
ଜୀବନର ରୋମାଂଚ ପରଖିବାକୁ ବି ନାହିଁ ବେଳ । bastabika sata katha, parikhibaku bi nahin bala. Sundara kabitatie lekhichhanti. Dhanyabad snehara bandhu, dasharu dasha paantu.
This poem has not been translated into any other language yet.
I would like to translate this poem
Gajanan Mishra
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
5/4/2024 6:09:20 AM # 1.0.0.1119
ଜୀବନର ରୋମାଂଚ ପରଖିବାକୁ ବି ନାହିଁ ବେଳ । bastabika sata katha, parikhibaku bi nahin bela. Sundara kabitatie lekhichhanti. Dhanyabad snehara bandhu, dasharu dasha paantu.