ହଜିଥିବା ଚାବିକୁ ନେଇ
ଲେଖାଯାଉ କବିତା,
ଲେଖାଯାଉ ଗଳ୍ପ,
ଆଉ ଉପନ୍ୟାସ,
ଆଉ ନାଟକ।
ହଜିଥିବା ଚାବିରେ
ରହିଛି କୁଆଡେ
ସବୁ ସଂପତ୍ତି,
ସବୁ କ୍ଷମତା,
ସବୁ ପୁରସ୍କାର ।
ମନ୍ଦିରର ହେଉ
କି ହେଉ ମସ୍ଜିଦର,
କି ହେଉ ଚର୍ଚ୍ଚର,
କି ହେଉ ଗୁରୁଦ୍ୱାରର
ସଠିକ୍ ଚାବିଟିଏ ନ ହେଲେ
ହେବ ନି ଖୋଲି ଦ୍ୱାର।
ଆଉ ଚାବି ନ ଖୋଜିଲାଯାଏ,
ଚାବି ନ ମିଳିଲାଯାଏ,
ଆମ ଘର ଅନ୍ଧାର।
ଚାବି ପାଇଁ ଲଦାଲଦି
ଦୋଷ, ନାଇଁ ଅର୍ଥ।
ଚାବି ଯେ ଅଛି
ଚାବି ଜାଗାରେ,
ଏ କଥା ନିଶ୍ଚିତ।
This poem has not been translated into any other language yet.
I would like to translate this poem