ସବୁ ଜ୍ଞାନ All Knowledge Poem by Gajanan Mishra

ଜ୍ଞାନ
ଗଜାନନ ମିଶ୍ର

କହିବୁ ତ କହିବୁ, ଘୁଚପୁଚ କିଆଁ?
ଡରୁଛୁ କି, ଦେଉ ନୁ କହି!
ଅଛି ପରା ତୋଠି ନିଆଁ,
ଡରେଇ କେମିତି ଦେବେ
ସେ ଶଳେ, ଅଙ୍ଗାରଗୁଡା!

ସୁରିଖିଆ ବାଉଁଶ କି ତୁ?
ନା ଶୁଖା ଭେଜରି କଁଟା!
ଆରେ, କଳ୍ପନାଜଳ୍ପନା ସବୁ
ଦେ ସେଆଡକୁ ଫିଙ୍ଗି
ଆଉ ଚାଲି ଆ ସିଧା।

ନାଇଁ ତ, ଆଉ କହ ନା।
ବଙ୍କାତେଢାକୁ ମିଶାଇ
ତିଆରି କରି ଦେ ଆଉ ଆଉ
ଫଳଫୁଲର ମହୁ ଆଣି
ଜୀବନକୁ ସରସ ସୁନ୍ଦର।

ଜନମ ଏଇଠି କରମ ଏଇଠି,
ଏଇଠି ବି ମରଣ, ଲାଭ ବା କଣ
ଗଣି ଗଣି ଗଲେ ଦିନ!
ଜାଣିଛି କିଏ କଣ ମାନେ ନାଇଁ
ରଖି ଥ ସାଇତି ତୁମର ସବୁ ଜ୍ଞାନ।

ତପୋବନ, ଟିଟିଲାଗଡ, ବଲାଙ୍ଗିର
9/7/2019