Arwot ki ot ta
Cwinya aye rwota
A cung ki tyena acel calo wir ot
Tin kadi kwon deya, ladong kora anga?
Lati ot ma yam acayo, tin pire dong tek
Kadi adong bwul, anga ma winyo?
Wilobo oloke ba!
Angee tin dong adola opongo tyene
Maa! Kwo kara pat ki ngo ma yam atamo
Twora megi, iling giri mot i bur.
Man mega!
Awite awita…ka lak, ka yenyo kwo
Wadi macon konya tin gin ool woko
Lurem ma yam lwonga ni… omera!
Tin pe I neno wa acel mo…
Adok kwene?
Yatariya ni odugu pek do rwoda?
Maa! Kono yam awiny tami…
Man dong angee tyene lit
A cace acaja calo ladobo
Pinye tin oruu I koma en…
Woro…kono onongo angee ni I ber?
Kono onongo agwoki calo tong gweno ajeny
Man tin adok kwene?
Angee dong tyene lit en!
This poem has not been translated into any other language yet.
I would like to translate this poem