Upendra Singh 'suman'

Bronze Star - 2,988 Points (03-06-1972 / Azamgarh)

Bapu Ka Suraj Bhojpuree - Poem by Upendra Singh 'suman'

बापू क सुराज

कहाँ भटकि गइल बापू क सुराज पिया ना|
आवा खोजल जाय मिलिके सभे आज पिया ना|


देखे के ओकरा के कहाँ-कहाँ धवलीँ|
हेरत-हेरत हारि गइलीँ तबहूँ ना पउलीं|
के हो हड़पि लिहल जनता क राज पिया ना|
कहाँ भटकि............................................. .
एतना दिन बीति गइल पऊले आज़ादी|
रटत-रटत नाम ओकर गइलीं बुढ़िया दादी
कबहूँ सुनलीं ओकर आवाज़ पिया ना|
कहाँ भटकि..............................................
केतना हो बसंत बीतल, बीतल सवनवां|
तरसि गईलं देखे के हमरो हो मनवां|
के हो लूटिलिहल देसवा क ताज पिया ना|
कहाँ भटकि..............................................
घरवे क लोगवा अपने करत बा घोटाला|
निकलत बा देसवा क हमरे हो दीवाला|
अरे, कईसन इ हउवे राज-काज पिया ना|
कहाँ भटकि..............................................
छीनति बा महंगाई अगवं| क थाली|
राजनीति कुलटा बजावति बा ताली|
भइलीं काहें हो किस्मतिया नाराज पिया ना|
कहाँ भटकि..............................................
करति बा छिनार बलम देखा जोराजोरी|
कूदि-कूदि भरति हउवे आपन तिजोरी|
डूबति हउवे हमार सोनवा क जहाज पिया ना|
कहाँ भटकि............................................. .
लुटले भगत सिंह आज़ाद क सपनवां|
देखि-देखि छपटाला मोरा परनवां|
हमके भावे ना कवनो साज-बाज पिया ना|
कहाँ भटकि..............................................

उपेन्द्र सिंह ‘सुमन'

Topic(s) of this poem: freedom


Comments about Bapu Ka Suraj Bhojpuree by Upendra Singh 'suman'

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Thursday, August 7, 2014



[Report Error]