Chahat Hai Mere Mann Mein Poem by Shrini Deewana

Tujhse mohabbat ki baatein karne ki chahat hai mere mann mein,
Tere haathon ko apne haathon mein thamne chahat hai mere mann mein,
Dil karta hai mein choom loon sanam tere narmon naazuk haathon mein,
Apne seene se tujhko sanam lagane ki chahat hai mere mann mein.

Tere aane ki aahat se bhi dhadak uth tha hai sanam yeh dil mera,
Zindagi bhar tujhe dil mein hi sajaye rakhne chahat hai mere mann mein,
Taj to banyee thi shahjahan ne us mumtaz ki mohabbat ke khaatir,
Tere khaatir sanam ek nayee Taj banane ki chahat hai mere mann mein.

Zindagi bhar nahin chodunga kabhi mein sanam saath tera,
Tere sang hi jeevan bitaane ki chahat hai mere mann mein,
Maut bhi humko sanam nahin kabhi bhi juda kar paayegi,
Maut mein bhi tere saath rehane ki chahat hai mere mann mein.

Shrini 'Deewana'