Chehray kitne ajeeb hotay hein
dost bhi tu raqeeb hotay hein
sard ratoan ke khwab kion aksar
holnaak o muheeb hotay hein?
Anjum o maah kee tarah mehboob
Door ho kar qareeb hotay hein
Lazatt e Wasl jin ko mil jayay
woh bade khush naseeb hotay hein.
likhte rehte hein man gharat batein
Kitne jhootay adeeb hotay hein
Shayiroan kee he shayiree jhooti
Kaghazi andaleeb hotay hein!
This poem has not been translated into any other language yet.
I would like to translate this poem
Write comment. My favourite poem, Mazhur. Thanks for sharing.