ଶତ୍ରୁଟିଏ
ଗଜାନନ ମିଶ୍ର
ଦରକାର ଶତ୍ରୁଟିଏ
ଯାହା ପାଇଁ ବଂଚି ହୁଏ
ସୁରୁଖୁରୁରେ।
ଶତ୍ରୁକୁ ବେଖାତିର କଲେ,
ହାତଛଡା କଲେ, ପାଖରୁ
ଦୂରେଇ ଦେଲେ
ସେ ବଂଚିବା କି ବଂଚିବା!
ଶତ୍ରୁ ଯେତେ ଦେଲେ ବି
ଆଘାତ ହୁଏ କମ୍।
ଶତ୍ରୁର ଆଘାତ
ଲାଗେ ରୋମାଂଚ।
ଦେଉଛି ଆଘାତ ଭାବେ ଶତ୍ରୁ
ଆଉ ନିଜେ ହେଉଥାଏ ଖତମ୍,
ଆହା, ପ୍ରିୟ ଶତ୍ରୁ ମୋର
କୋଉଠି ହେଉଛ ଲୀନ!
ଆଃ, କେମିତି କଟୁଛି
ଦେଖ ଏଠି ଦିନ!
ଭୁଲ କି ଠିକ୍
ତୁମର କଥାଭାଷା
ତୁମର ଧର୍ମକର୍ମ
ତୁମେ ଜାଣି ପାରୁ ନ!
ଜାଣି ପାରୁ ନ
କାହା ସହିତ ଲଢିବାକୁ
ତୁମର ଏତେ ପ୍ରସ୍ତୁତି
ମୃତ୍ଯୁ ଶଯ୍ୟାରେ ଏମିତି
ପୁଣି ଏ ଆୟ ଆଡମ୍ୱର!
2
ପ୍ରତ୍ୟେକ ଦିନ
ଏକ ଏକ ମୃତ୍ୟୁ ଶଯ୍ୟାର ଦିନ।
ମୋର ପ୍ରିୟ ଶତ୍ରୁ!
ତୁମେ କୋଉଠି
କରୁଛ କଣ!
ତୁମର ମୋର
ପ୍ରେମପ୍ରିତିର ସଂପର୍କର
ଦେଖ ଏ ଲାଭାଲାଭ ପରିଣାମ।
ଅଲଗା କିଏ
ବୁଝିବ କେମିତି
ତୁମର ମୋର
ଏ ଲୀଳାଖେଳାର ମାଧ୍ୟମ!
ପ୍ରିୟ ଶତ୍ରୁ ମୋର
ତୁମକୁ ମୋର ସଲାମ ସଲାମ।
ତପୋବନ, ଟିଟିଲାଗଡ, ବଲାଙ୍ଗିର
14/10/2019
This poem has not been translated into any other language yet.
I would like to translate this poem