Eendag Sal Jy Weet. Poem by Annabella Nel

Miskien wonder jy soms... Sit en kyk met jou koppie skeef.
Hoe kan mamma se gesig so verander... haar hande soms so beef.
Partykeer hou sy my styf vas... maar soms druk sy my dat die aarde draai.
Sy speel heeldag met my... maar as haar trane loop trek sy my aandag af met groot lawaai.
Sys daar as my gesondheid lol... Sys heeldag besig om rond te hol.
Hoe kry mamma dit reg om so gerus te lyk as sy in my oe kyk...
My kindjie kind,
my dierbaarheid,
het jy nie geweet dat jou lewe hier op aarde dit in my laat uitspruit?
Moederliefde! Groter as ekself wat jy nerens anders kan kry behalwe as jy diep in jou mamma se hart delf...
Eendag sal jy weet!