Chaman me kaun se hangam-e-rang-o-bu na huye,
Magar jo chaak gareban the wo rafu na huye.
Wahi ki rasm-e-mohabbat thi munhasar jin par,
Wo masale kabhi mauzu-e-guftugu na hue.
Hm apne qatl ka ilzaam kiske sar rakhen,
Kisi ke haath bhi aalooda-e-lahoo na hue.
Gurez kyun na karen log sarfaroshi se,
Shaheed-e-rahe-e-wafa bhi to surkhru na hue.
Jo muh pe mal ke phire Ghaza-e-Tarraqi-e-fan,
Wo khaak MEER k qadmo ki bhi kabhu na hue.
Bache rahe wo sada uljhano se jo ki ALEEM,
Aseer-e-halqa-e-gesu-e-mushkbu na hue.
This poem has not been translated into any other language yet.
I would like to translate this poem