Hamba Langa Shona Nothando Lami Poem by senzokhaya umhayi

Hamba Langa Shona Nothando Lami

Rating: 5.0


Nhiziyo yami usuyokophela ngaphakathi,
Konke kwakubekiw' ukuba kuyophela,
Namanxeba ngiyethemb' azophola,
Nezinyembezi zizogelez' okomay' okungegazi,
Ukungaz' impela kufana nokungaboni,
Konk' sengikubopha ngembelek' emhlane welanga,
Hamba malanga shona nothando lwami,

Ngimuhle ngithamel' isicewu,
Ngicel' isicephu kugogo ngithamel' ilanga,
Ngithumel' amehl' ezintabeni ezigudl' uKhahlamba,
Ngihlamb' izandl' nginikin' ikhanda,
Lufifi ngibhek' amaland' echobana,
Nemisebe yelanga laph' iqhundeka,
Lisho liyoshona likhasel' ezintabeni,
Okomhlaba sekuyosal' emhlabeni,
Bekuwuthand' umyalelo ka Adam no Eva,
Ngikwendlalel' isidikiselo isihogo sokushis' uthando,
Hamba langa shona nothando lami,

Ontanga bami ngibashay' indiva,
Lapho begegetheka bedl' insini,
Ngiqhath' usiz' ngidl' imihlathi,
Ngiye ngizisole ngibheke emuva,
Ngangithi ngithole imvu,
Engenamelusi ngith' ingelosi,
Yan' imvula yawavula amaphiko,
Waqala wavungam' umoya wosizi,
Aqal' avulek' amehlo ngayibon' imibala yamaphiko,
Hamba langa shona nothando lwami,

Ngibuyel' emuv' ngiland' imiqing' yemilando,
Lapho sidudulana ngesinqandu,
Esixabanis' izindebe ziye zishay' ihlombe,
Kuye kunanel' izihosh' zemith' ye denga,
Engidedele ngith' diya diya ngishay' uzamthilili,
Ngikhoth' udebe ngidansel' imizwilili nemi khulungwane,
Yezinyoni zehlath' elikhulukazi ehlane,
Phakath' ezihosheni sibhekana ngonyazi lonyezi onyelela lufif' emafini,
Uhamba uyoshona nothando lwami,

Izinyembezi zothando lwethu,
Ukugongobala kwenhliziyo yami,
Imilando nenjabulo yethu,
Uthando inzondo nenxabano,
Izifungo nezethembiso zakho,
Namanga namaqiniso ethu,
Ngikupheka ngogozwana,
Ngikubopha ngentamb' ebomvu yemoy' emibi,
Ngik'bek' esivivaneni sokushona kwelanga,
Kuyoba inganekwane yamagwabab' azob' echoban' emathafeni,
Laph' ilanga lihamba liyoshon' ezintabeni.

Hamba langa shona nothando lwami

Senzokhaya Umhayi

COMMENTS OF THE POEM
Slindo da poet 23 January 2018

Nice 1qhawe lami, yayshaya into yakho and you have to know that you the first person engfunda ngaye amaphutha kulendima yobumbongii😀😀😀

1 0 Reply
Siyabonga A Nxumalo 23 August 2013

yalila insizwa kulenkondlo, yayinhle ke khona inkondlo yakho mfo wakithi.... ukuhlangana kuhlale kumnandi, kanti ukwehlukana kuhlale kuletha usizi nezinyembezi, impilo isifundisa konke ngosizi nezinyembezi nsizwenye. Siya_! !

0 0 Reply
Senamile Zulu 06 January 2023

iyanemba mfoka wakoNjomane, thanks again angdeli ukufunda lezichibiyelo zezinkondlo zakho.

0 0 Reply
Qinisile baloyo 15 August 2022

Ikhuluma ngani lenkondlo

0 0 Reply
Nobuhle Mkhwanazi 20 June 2018

Nyc,salute mft

0 0 Reply
Nourntourh 12 June 2018

Add a comment.wabhala lo bhti wabantu wangkhumbuz ezam sheim qhubeka njlo

2 0 Reply
Khethukuthula 28 May 2018

Add a comment.

1 1 Reply
READ THIS POEM IN OTHER LANGUAGES
Close
Error Success