sheena blackhall

Rookie - 399 Points (18/8/1947 / Aberdeen)

Hare's Foot: 5 Scots Poems

1.The Sough o Yule

The sough o Yule is jeelin
A braith o the mools

A yowl like nane ither,
Dowie, drumly, dreich
The nyaakit banes o Hunger
Cryin a coronach

Alang the cauld corp roads
Win, in her Cailleach’s weeds,
Wheeps snaa like packs o wolves
Oot frae forgotten wids

The communal skirl o Winter
Drives aa inbye, haudin the hairth o hame

2.Walla Kirkyaird

Aside the Deveron river
Cercled bi parks an the soochin wheech o trees
A lang, straicht wye gies access tae the kirk
East o the graves a steep drap doon tae the watter
Faas frae each dubby lair

Twa natural puils in the river
Blissed bi St Wallach langsyne
War veesited for sainin sairs

Gin yird pigs feast on the deid
Nae doot sic unca breets
Maun need their share

3.The Bruce’s Hairt

The Bruce’s hairt’s aneth a sanstane merker
In the auncient chapter hoose o a ruined Abbey
Melrose, first an last in the king’s affections

The merker stane is cuttit stoot an strang
Risin abune the grun richt stinch an bravely
Carved wi a hairt run throwe bi a Scottish saltire

It weirs the leal wirds liftit frae Barbour's poem:
'A noble hart may have nane ease. Gif freedom failye.'


Cheep cheep spurgie, stottin ben the stoor
Blythe baa o feathers, yer onythin bit dour

Cheep cheep spurgie, hardly ony left
Far are ye gaun tae? The warld wad be bereft
O muckle simple pleisur, should ye aa flee awa
Blythe baa o feathers, foo could we wave ta-ta?


Boorich o prods, wee nut-broon bowster o preens
Wi yer pyntit snoot ye hae the auld-farrant luik
O a widlan fey. Yer wyme is happit wi fur
It is stappit wi hornygollachs, wirms an emerteens
Ye snocher an grunt like a grumphie
5,000 spines on yer back raised up complete
As Wallace’s battle schiltrons
Aa fur defence, wee feartie, jobby breet!

A craitur o the nicht,
Hauf blin, recluse, wannerin the warld alane
Ye coorie awa frae sicht
A left-ower frae a mediaeval tapestry

Boorich o prods, sib tae the shrew,
Wids, nicht an meen, blent in yer pedigree
Weel acquant wi henwives, cherms,
Rare herbs, tint wyes, the pysonous henbane

Submitted: Monday, January 06, 2014
Edited: Tuesday, January 07, 2014

Do you like this poem?
0 person liked.
0 person did not like.


Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Comments about this poem (Hare's Foot: 5 Scots Poems by sheena blackhall )

There is no comment submitted by members..

Famous Poems

  1. Phenomenal Woman
    Maya Angelou
  2. Still I Rise
    Maya Angelou
  3. The Road Not Taken
    Robert Frost
  4. If You Forget Me
    Pablo Neruda
  5. Dreams
    Langston Hughes
  6. Annabel Lee
    Edgar Allan Poe
  7. Caged Bird
    Maya Angelou
  8. If
    Rudyard Kipling
  9. Stopping by Woods on a Snowy Evening
    Robert Frost
  10. A Dream Within A Dream
    Edgar Allan Poe
Trending Poets
Trending Poems
  1. Still I Rise, Maya Angelou
  2. The Road Not Taken, Robert Frost
  3. Dreams, Langston Hughes
  4. Stopping by Woods on a Snowy Evening, Robert Frost
  5. If, Rudyard Kipling
  6. If You Forget Me, Pablo Neruda
  7. Phenomenal Woman, Maya Angelou
  8. A Dream Within A Dream, Edgar Allan Poe
  9. Caged Bird, Maya Angelou
  10. Daffodils, William Wordsworth
[Hata Bildir]