ଇତିହାସରେ In History Poem by Gajanan Mishra

କିଛି ନୂଆ
ଗଜାନନ ମିଶ୍ର

କଣ ପାଇଁ ପବନ
ପାଗଳ ହୋଇଥିଲା
ଏ ଯାଏ ପାରି ନାହାନ୍ତି
ଜାଣି କେହି ଜଣେ।

କେହି ଜଣେ
ଢାବାମାରି କହିଲା
ବାପ ଗୁଣେ ପୁଅ,
ଅସ୍ୱୀକାର କରିବାକୁ
କେହି ଆଗେଇ ଆସି ନ ଥିଲା ।

ମାପିଜୁପି କଥା ହେଉଥିଲା
ପୁଅ ଫୋନରେ ମା ସହିତ
ସ୍ତ୍ରୀକୁ ଦେଖି ଦେଖି ।
କିଏ କାହାକୁ ଦାବି ରଖୁଥିଲା
ପଡୁ ନ ଥିଲା ଜଣା।

କେମିତି କେଜାଣି
ବେଖାପିଆ ଲାଗୁଥିଲା
ବାପାଙ୍କର ସବୁ କଥା।
ଥିଲା କି କଣ ମନରେ
ବୁଝା ପଡୁ ନ ଥିଲା।

ଇତିହାସରେ ଯେ
କିଛି ଥାଏ ନୂଆ
ଜାଣିବା ଲୋକକୁ
ଖୋଜା ଚାଲିଥିଲା।

ତପୋବନ, ଟିଟିଲାଗଡ, ବଲାଙ୍ଗିର
18/11/2019