જાતે પણ જીવો Jate Pan Jivo Poem by Mehta Hasmukh Amathaal

જાતે પણ જીવો

મજા આવી વાંચી ને કવિતા
મને તો થવા લાગી ચિંતા
આ હેત અને પાછી હાટડી
કયો સુધી રહેશે ટકી?

પ્રેમ ની સરવાણી
થઇ ગઈ હવે જુનવાણી
લોકો કહે છે 'પ્રેમ ખાલી બનાવટ છે '
લોકો માટે રસ્સી પર ચાલી બતાવતો એક નટ છે।

અમોએ વાંચ્યું ' હું માનવી માનવ થાઉં તો પણ ઘણું'
બીજા નું આંચકી ના લઉ ત્યાં સુધી મને લાગે ઉણુ
શોખ છે મારો બીજા ની વાત માં માથું મારવાનો અને લેવાનું ઉપરાણું
આપવાનું ઉધાર, લેવાનું પઠાણી વ્યાજ અને કરવાનું ઉઘરાણું।

જીવન માં કાયમી રહેવાનું નથી અને શરીર નષ્ટ થવાનું છે
ગમે તેટલું કરો ભેગું અંતે છોડી ને જવાનું છે
તો રાખો ના જીજીવિષા સર્મુધ્ધ થવાની અને શ્રીમંતાઈ માં આળોટવાની
થઇ જશે રાખ આ શરીર જો વેળા આવી જશે આટોપવાની।

આ બધા માં હું અળગો અને અલગારી
પ્રેમ ની મને લાગી છે ચિનગારી
વગાડું હંમેશા અને વર્ણવું મારા વરવા અનુભવો
રાખો બધા પ્રત્યે પ્રેમ અને જાતે પણ જીવો।