Addu ti mangibaga
Ayat ket makaparagsak
......... ngem addu met ti agkuna
isu't mangipaduyakyak
saem a di agpatingga
iti aweng ti di agrissak
nga saeb-bek ken lulua.
Pudno, ayat ket agbunga
nagpaiduma nga ragsak
lalo no ti inayat a maysa
ket addaan ti di agrissak
nga ayat ken sirmata
a napnuwan sudi ken ragsak
nga agserbi nga di agdua-dua.
Ngem anian, saem iburay na
No ti puso ket narakrak
ken nagbalin nga umok ti lulua
ken ladingit nga di agrissak
iti sidong ti managinkukuna
ket nasurdo nga rupa ni ayat.
This poem has not been translated into any other language yet.
I would like to translate this poem