ଆମ୍ୱଗଛ ଆଉ ମୁଁ
ଗଜାନନ ମିଶ୍ର
ଆମ୍ୱଗଛକୁ ଚିହ୍ନିଲି
ଆଉ ଦେଖିଲି ସେ ଜାଗା
ଯୋଉ ଜାଗାରେ ଥିଲି ମୁଁ
ଗତକାଲି ସକାଳେ।
ଡାକିଲି ସେ ପକ୍ଷୀକୁ
ଥିଲା ଯିଏ ସବାଉଚ୍ଚ ଡାଳରେ
ଆଉ କହୁଥିଲା କେତେ କାହାଣୀ
ଅଧା ଅଧା ଶୁଣୁଥିଲି ଆଉ
ଭିତରେ ଭିତରେ ଥିଲି ଖୁସି।
ଠିଆ ଜାଳିଦେଲା କିଏ
ଗତକାଲି ସଂଧ୍ଯାରେ ଜାଣେ ନା,
ଜାଳିଦେଇ ଭଲ କଲା କି
ଭଲ କଲା ନାଇଁ ସେସବୁ ଭିତରେ
ଘାଣ୍ଟିଚକଟି ହେବାକୁ ନାଇଁ ମନ।
ମୁଁ ଯେ ଥିଲି
ଆଉ ନାଇଁ ଏବେ କହୁ ନି ଜମାରୁ ।
ଆମ୍ୱଗଛରେ ମୋର ପ୍ରତିବିମ୍ବ
କେମିତି ବୁଝେଇବି କାହାକୁ।
ହେଉ ତେବେ କହି
ରହି ପାରୁ ନି ବି ଚୁପ୍।
ଏତିକି କଥାକୁ ସରୁଛି ଦିନ
ଆଉ ମୁଁ ଯାଉଛି ରହି
ଆନମନା ହୋଇ ଏଇଠି।
ତପୋବନ, ଟିଟିଲାଗଡ, ବଲାଙ୍ଗୀର
15/11/2020
This poem has not been translated into any other language yet.
I would like to translate this poem