Mari Pautri..મારી પૌત્રી ની જન્મતારીખ Poem by Mehta Hasmukh Amathaal

મારી પૌત્રી ની જન્મતારીખ

આજ મારી પૌત્રી ની જન્મતારીખ
ઘરમાં એની જ ઊંચી પરખ
નીચો અને મૃદુલ અવાજ
ના પડે જરૂરત કોઈપણ સંગીત સાધન ની કે સાજ ની।

અમે ઘણાજ ખુશ જયારે એના પદાર્પણ થયા
'ઘર માં લક્ષ્મીજી આવ્યા' અમારા બધાના સ્વપ્ન સાકાર થયા
નાનું એવું અમારુ ઘર અને સંસાર
ઘણી વાર મને એમ થાય કે હું છું રાજા બિંબિસાર

અમારી જરૂરત ઘણીજ ઓછી
મારે પણ એકજ દીકરી
દીકરાને ઘેર પણ દીકરી
પ્રભુ એ ખરા મન થી મહેર કરી।

દીકરી નો વાસ એટલે મન પ્રફુલ્લિત થાય
તમે ઘર માં દાખલ થાઓ એટલે કાલો કાલો બોલ સંભળાય
'પાપા, પાપા' ની વાણી મા જાણે ચમત્કાર નું સર્જન થાય
વારંવાર બસ એજ બોલ સંભળાય અને અથડાય।

મન ઘણીવાર અચંબીત અને દુઃખી થઇ જાય
આવી દીકરી મોટી થાય અને સાસરે જાય
મન માં હજારો વિચાર આવી ગમગીન કરી જાય
પણ ખેર! આ તો સંસાર ની રીત 'આપણી આંખો ભીની થઇ જાય।

મારી પાસે એ ધીરે થી આવે એટલે હું લાગણીવશ થઇ જાઉં
લાગણી ના ઊંડા કુવા માં ગરકાવ થઇ જાઉં
હું કેમે કરીને વિદાય આપી શકીશ?
મનમાં ને મનમાં જ હું થોડું ઘણું રડી શકીશ।