Mhla Ngifika Kuwe! Poem by Sizwe A Zungu

Mhla ngifika kuwe,
ngilindel' ungange, ungigone
ngifis' unginamek' enhliziyweni.

Ungihlinzeke ngezilokotho,
ngidle, ngimimilit' olwakho lwaphakade,
mhla ngifika kuwe!

Mhla ngifika kuwe,
ngiyodazuluka ngikhale ngimayeze!
Fun' ungiwol' ungitotose, ngingowakho.

Mhla ngifika kuwe,
ungalanduli ngothando,
ungangincish' intobeko, hhayi!

Mhla ngifika kuwe,
ngizoziphendul' isitetemi, bheka!
ngikhaliswe nawubala, isibili,
mhla ngafika kuwena!