Ngidwanguze ngathubeleza lutho,
Bengimagange ngishabasheka,
Esizalwaneni somhlaba ngihamba,
Bengithi ngizokuthol' usankanise,
Kwelingafelwa nkonyane.
Bengizocel' intengo yothando lwakho,
Indathane yothando lwakho,
Bath' uthath' izimpahla waphel' emehlweni,
Bath' ulayeze wath' awusabuyi!
Sengiyokulobel' incwadi hlez' ikuthole,
Ikuthol' usabhinc' ubuhlalu benjabulo,
Uyifund' ungundaz' elothand' iculo
Uhlabelel' uhlabelela,
Etus' inhliziy' ingom' ethi 'Ngithande! '
This poem has not been translated into any other language yet.
I would like to translate this poem