ଏ ପୃଥିବୀରେ ଦୁଃଖର ଶେଷ ନାହିଁ No End Of Misery In This World Poem by Gajanan Mishra

କାର୍ଲା ଜୌସିଟୋ
ଗଜାନନ ମିଶ୍ର

ଆସନ୍ତୁ, ଆସନ୍ତୁ, ଭେଟିବେ
ଅଛନ୍ତି ଏଇଠି ମେକ୍ସିକୋର
କାର୍ଲା ଜୌସିଟୋ।
ଭେଟିଲେ ଜାଣିବେ
କଣ ଜୀବନ ଆଉ ପ୍ରେମ
ଆଉ ସଂପର୍କ।
ଭେଟିଲାବେଳେ ହେବ
ଶାଣିତ ଆହୁରି
ଆପଣଙ୍କର ଭାଗବତ।

ସବୁକଥା ଯଦି
ଆପଣଙ୍କର ବୁଝିବାକୁ ଥାଆନ୍ତା,
ଆସି ନ ଥାନ୍ତା କାର୍ଲା!
ରହସ୍ୟ ଉପରେ ରହସ୍ୟର
ଜାଲରେ ଫଶି ନ ଥାନ୍ତା
ସ୍ୱାର୍ଥରେ ନାଚୁଥିବା ଆମେରିକା ।
ଆଉ ଦେଖିକରି ଯଦି
ସବୁକିଛି ଜାଣି ପାରୁଥାନ୍ତ ତୁମେ
କବିତା ଲେଖୁ ନ ଥାନ୍ତି ମୁଁ ଭକୁଆ।

କବିତାର କାମ ଏ ଯାଏ
ପଡି ନି ଜଣା, ଅହରହ ଏଠାରେ
ଚାଲିଛି ଯଦିଓ ଆନନ୍ଦ ପାଇଁ
ସତ୍ୟ ପାଇଁ ଭିତରେ ଭିତରେ।
କାର୍ଲୋ ଜୌସିଟୋକୁ ମୁଁ ଦେଖି ନି ଏ ଦୁଇ ଆଖିରେ
କହୁଛ ଯଦିଓ ଶୁଣୁଛି ସବୁ ପ୍ରକାରର କାହାଣୀ।
ଏ ପୃଥିବୀରେ ଦୁଃଖର ଶେଷ ନାହିଁ,
ନୂଆପୁରୁଣାର ଫେଣ୍ଟାଫେଣ୍ଟିରେ
ଜୀବନାନନ୍ଦର ସୀମା ନାହିଁ ।

ତପୋବନ,ଟିଟିଲାଗଡ,ବଲାଙ୍ଗିର
15/9/2019