Owesifazane Onobubele Poem by Khabzyvee Mkhize

Owesifazane onobubele

Kulomhlaba ngafika ngegusheshe
Into eyafika yasipina kabili kathathu
Kwakhala wakhwele kwasiphuka izidindi
Qede yashaya yachitha.
Kwazwakala ngepayipi lisho buqamama
Kanti vele nothuli lwase lusithile,
Lavele laphele emehlweni igusheshe
Abaningi basala bebambe ongezansi.

Kwamina kalingehlisanga kahle
Kwangoba nesikhathi sokulibongela
Kangizanga ngisasithola, sengisho
Ithutshana lokuqamela kulo ngiveze,
Iphiko njengabobonke asingifikelanga.
Kwamina ukubuyela kwalo emuva
Akuzange kwanginika ukuphumula.
Kunalokho kwangishiya ngidabukile
Ngiyintandane engenakukhothwa nangubani.
Kepha ngowesifazane onobubele.

Kwazise phela izintuli zesigameko
Zazilele uyaca phezukowami umzimba.
Bonke bangibuka bangishalazela,
Noma ngangisidinda esikanandi.
Ngilikhomba liyosithela, sengibalisa
Ngomphako wami elibuyela nawo emuva
Engingakhonanga nokwehla nawo,
Ngesikhathi lingiqathaza langiqathaza
Ngifumbathile, ngifumbathile umphako
Wakwelizayo, hhayi wakulezonsuku.

Sengibonga owesifazane onobubele
Owaba nesihe wangithatha wangixhuma
Kwelakhe ibele, namhla nje lokhu.
Anhlamvana ngisawacosha kungenxa yowesifazane
Onesihe nomhawu, nobubele

Esengilandisa ngegusheshe engafika ngalo
Echaza Izinyembezi zazigobhoza emehlweni
Usizi lubhaliwe ebunzini kuye.
Esho ethi kwakufanele igusheshe lifike likubeke lihambe
Kwazise phela lalingasaphilile kahle kwanawe wafika.
Ngayo inkosi sikelelela,
Oweye ngumshayeli walo wayelishayela budlabha
Esho ehamba eligaklaza ematsheni nasezindongeni
Ngisho esebona kuthi kuleligusheshe sekunomgibeli
Akaseyedwa kepha lokho kuye kwakunhlanga zimuka nomoya.
Qede akushaye indiva.

Impela kwakuthi angawadla amponjwana
Wayevele ezibone enamandla amaningi
Afikelwe nayimicabango engasile ngalo
Eshonokusho nokusho kuthi akaligibeliyedwa
Esho elibheca ngencoso ingalimayanga.

Naweke mtanami wafika ngenkosi sikelela
Ngoba ngakwesakho isihlalo kwakusenehlule
legaze elomileyo, nokuphuma kwakho,
Kwakungathembisi ukuthi uzakuphuma
Umphefumulo usahlangane nayo inyama.
Kwanele kwavuleka izigcwabha amafutha Alo
Eyesehlangene negazi kwanawe mntanami wawusuphefumula Lona.

Mina naye ngingasho ukuthi sasiphila ngokufana
Ngoba wake wathi ukungilandisa sindawonye
Impela nami ngangihlukumezeka ngihlukunyezwa
Owesilisa owayengitshele ukuthi uyangithanda
Emva kwalokho ngaphenduka elikanobhutshuzwayo kuye.
Nami ngangithi ngilethe yena umgibeli owayegibele
Kepha yena akabanga esafinyelela kwamhlaba
Kwazise wangishiya asengaphakathi ngesandla
Sowesilisa ongenanembeza. Kepha ongaphezulu
Wayesengabela wena phela igusheshe lakho lalingaziwa,
Nokuthi liqhamuka kuziphi izinkalo, ngabese ngikhetha ukukuhlenga
Ngemvume yabahlengikazi ababesikhusele.

Namanje usamukelekile mntanami
Ngalamazwi kangikulahli kepha iqiniso bengithanda
Ukuba ulazi ungagcine usuzwa ngenzwabethi
Imina owakuhlengayo nabahlengikazi bengasazi uthi benzeni

Ibhalwe uCebo Mkhize imbongi yakoKhabazela