Robert Henryson

(1425 - 1505 / Scotland)

Robin and Malkin


Robene sat on gud grene hill,
Kepand a flok of fe;
Mirry Makyne said him till,
"Robene, thow rew on me;
I haif the luvit lowd and still,
Thir yeiris two or thre;
My dule in dern bot gif thow dill,
Dowtless but dreid I de."

Robene answerit, "Be the rude,
Nathing of lufe I knaw,
Bot keipis my scheip undir yone wid,
Lo quhair they raik on raw:
Quhat hes marrit the in thy mude,
Makyne, to me thow schaw;
Or quhat is lufe, or to be lude?
Fane wald I leir that law."

"At luvis lair gife thow will leir,
Tak thair ane a b c;
Be heynd, courtass, and fair of feir,
Wyse, hardy, and fre;
So that no denger do the deir,
Quhat dule in dern thow dre;
Preiss the with pane at all poweir,
Be patient and previe."

Robene anserit hir agane,
"I wait nocht quhat is luve;
But I haif mervell in certane
Quhat makis the this wanrufe:
The weddir is fair, and I am fane,
My scheip gois haill aboif;
And we wald play us in this plane,
Thay wald us bayth reproif."

"Robene, tak tent unto my taill,
And wirk all as I reid,
And thow sall haif my hairt all haill,
Eik and my maidenheid.
Sen God sendis bute for baill
And for murnyng remeid,
In dern with the bot gif I daill,
Dowtles I am bot deid."

"Makyne, to morne this ilk a tyde,
And ye will meit me heir,--
Peraventure my scheip may gang besyd,
Quhill we haif liggit full neir;
Bot mawgre haif I and I byd,
Fra thay begin to steir;
Quhat lyis on hairt I will nocht hyd;
Makyn, than mak gud cheir."

"Robene, thow reivis me roif and rest;
I luve bot the allane."
"Makyne, adew, the sone gois west,
The day is neir hand gane."
"Robene, in dule I am so drest,
That lufe wilbe my bane."
"Ga lufe, Makyne, quhair evir thow list,
For lemman I lue nane."

"Robene, I stand in sic a styll;
I sicht, and that full sair."
"Makyne, I haif bene heir this quhyle;
At hame God gif I wair."
"My huny, Robene, talk ane quhyle,
Gif thow will do na mair."
"Makyne, sum uthir man begyle,
For hamewart I will fair."

Robene on his wayis went
Als licht as leif of tre;
Mawkin murnit in hir intent,
And trowd him nevir to se.
Robene brayd attour the bent;
Than Mawkyne cryit on hie,
"Now ma thow sing, for I am schent!
Quhat alis lufe at me?"

Mawkyne went hame withowttin faill,
Full wery eftir cowth weip.
Than Robene in a ful fair daill
Assemblit all his scheip.
Be that sum pairte of Mawkynis aill
Outthrow his hairt cowd creip;
He fallowit hir fast thair till assaill,
And till hir tuke gude keip.

"Abyd, abyd, thow fair Makyne,
A word for ony thing;
For all my luve it sal be thyne,
Withowttin depairting.
All haill thy harte for till haif myne
Is all my cuvating;
My scheip to morne quhill houris nyne
Will neid of no keping."

"Robene, thow hes hard soung and say,
In gestis and storeis auld,
'The man that will nocht quhen he may
Sall haif nocht quhen he wald.'
I pray to Jesu every day
Mot eik thair cairis cauld,
That first preissis with the to play,
Be firth, forrest, or fauld."

"Makyne, the nicht is soft and dry,
The wedder is warme and fair,
And the grene woid rycht neir us by
To walk attour all quhair;
Thair ma na janglour us espy,
That is to lufe contrair;
Thairin, Makyne, bath ye and I
Unsene we ma repair."

"Robene, that warld is all away
And quyt brocht till ane end,
And nevir agane thairto perfay
Sall it be as thow wend;
For of my pane thow maid it play,
And all in vane I spend;
As thow hes done, sa sall I say,
Murne on, I think to mend."

"Mawkyne, the howp of all my heill,
My hairt on the is sett,
And evirmair to the be leill,
Quhill I may leif but lett;
Nevir to faill, as utheris feill,
Quhat grace that evir I gett."
"Robene, with the I will nocht deill;
Adew, for thus we mett."

Malkyne went hame blyth annewche,
Attour the holttis hair;
Robene murnit, and Makyne lewche;
Scho sang, he sichit sair;
And so left him, bayth wo and wrewche,
In dolour and in cair,
Kepand his hird under a huche,
Amangis the holtis hair.

Submitted: Thursday, January 01, 2004

Do you like this poem?
0 person liked.
0 person did not like.

Read poems about / on: hair

Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Comments about this poem (Robin and Malkin by Robert Henryson )

Enter the verification code :

There is no comment submitted by members..

Top Poems

  1. Phenomenal Woman
    Maya Angelou
  2. The Road Not Taken
    Robert Frost
  3. If You Forget Me
    Pablo Neruda
  4. Still I Rise
    Maya Angelou
  5. Dreams
    Langston Hughes
  6. Annabel Lee
    Edgar Allan Poe
  7. If
    Rudyard Kipling
  8. Stopping by Woods on a Snowy Evening
    Robert Frost
  9. I Know Why The Caged Bird Sings
    Maya Angelou
  10. Invictus
    William Ernest Henley

PoemHunter.com Updates

New Poems

  1. My Feet, Randy McClave
  2. We Are Scottish, Randy McClave
  3. AS SOON AS...., Robin Kirsch
  4. The Flood, Jose Armando Guzman
  5. Shadows in the Dark, Darlene Walsh
  6. Who can be one's bombshell?, Rm.Shanmugam Chettiar.
  7. Eveningsong, Elizabeth Shield
  8. Chords Of Remembering, RoseAnn V. Shawiak
  9. Composite Of Intellect, RoseAnn V. Shawiak
  10. The Journal Editors Calling Themselves C.., Bijay Kant Dubey

Poem of the Day

poet Christina Georgina Rossetti

Where sunless rivers weep
Their waves into the deep,
She sleeps a charmed sleep:
Awake her not.
Led by a single star,
She came from very far
...... Read complete »

   

Member Poem

[Hata Bildir]