Nay tay
Ania na usab ako mananghid kaninyo
Ugma
Moadto na ako sa mental hospital
Kay aduna na akoy
Reservation didto
Basin didto una ako magpuyo
Bisag tulo lang ka bulan
Ug ma-extend basin
Tulo ka tuig depended sa akong
Pagmugna ug mga balak didto
Didto man gud kuno kasagaran
Mamugma ang pinakanindot nga
Mga Balak
Mao nga nay tay
miboluntaryo
Ako sa pagsulod didto
Sa ilang pagtugot
Sayod ko nay tay nga kamo
Nangimbitar usab kanako dinha sa inyong lugar
Diin mas nindot pa ang mga balak
Kay sa gimugna didto sa taga mental hospital
Apan sayod mo nay tay
Dili pa ko andam mosulod sa inyong kwarto
Kay daghan pa ako ug tinagoan
Nga dili jud ninyo mapasaylo
Adto na ako nay tay.
This poem has not been translated into any other language yet.
I would like to translate this poem