તારી યાદ... Tari Poem by Mehta Hasmukh Amathaal

તારી યાદ
સોમવાર,13 જાન્યુઆરી 2020

તારી યાદ મને ઘણી આવે
મન માં રંજ ઘણો લઇ આવે
તારા જવા નો અફસોસ ઘણો થઇ આવે
આસું પણ ના રોકાઈ જાવે। તારી યાદ મને ઘણી આવે

રાતે ધીરે ધીરે પદચાપ સંભળાવે
મનને મધુરો અજંપો કોરી ખાવે
એ જ મધુરા વેણો ની, યાદ અપાવે
રાત્રી માં શૂન્યતા નો ભાસ કરાવે। તારી યાદ મને ઘણી આવે

પડકારો જીલ્યા ઘણા, સમય છોડી જાવે
તું હતી મારી બેલડી, એમ મને સમજાવે,
જીવન નો મધુરો આનંદ, યાદ મને અપાવે
છોડી દેશે એક દિન પાછો વળી ને નાવે।તારી યાદ મને ઘણી આવે

ભરદરિયે દરિયે મોજા એ ભરખી લીધું
સમય ને પણ, મેં પારખી લીધું
આપણે માળા ના, રહયા પંખી
જીવન ને બનાવ્યુ ઉજ્જવળ ને સુખી।તારી યાદ મને ઘણી આવે

ના જાણ્યું કાલે સવારે, તું થઇ જઈશ દૂરે,
મન માં નીકળશે ઉદગાર "અરે"!
આવા જીવન થી, મતલબ ના સરે
પણ જીવન ને તો, જીવવુ પડે।તારી યાદ મને ઘણી આવે

હસમુખ અમથાલાલ મહેતા