Anonymous


The Queen's Marie


MARIE HAMILTON 's to the kirk gane,
   Wi' ribbons in her hair;
The King thought mair o' Marie Hamilton
   Than ony that were there.

Marie Hamilton 's to the kirk gane
   Wi' ribbons on her breast;
The King thought mair o' Marie Hamilton
   Than he listen'd to the priest.

Marie Hamilton 's to the kirk gane,
   Wi' gloves upon her hands;
The King thought mair o' Marie Hamilton
   Than the Queen and a' her lands.

She hadna been about the King's court
   A month, but barely one,
Till she was beloved by a' the King's court
   And the King the only man.

She hadna been about the King's court
   A month, but barely three,
Till frae the King's court Marie Hamilton,
   Marie Hamilton durstna be.

The King is to the Abbey gane,
   To pu' the Abbey tree,
To scale the babe frae Marie's heart;
   But the thing it wadna be.

O she has row'd it in her apron,
   And set it on the sea--
'Gae sink ye or swim ye, bonny babe,
   Ye'se get nae mair o' me.'

Word is to the kitchen gane,
   And word is to the ha',
And word is to the noble room
   Amang the ladies a',
That Marie Hamilton 's brought to bed,
   And the bonny babe 's miss'd and awa'.

Scarcely had she lain down again,
   And scarcely fa'en asleep,
When up and started our gude Queen
   Just at her bed-feet;
Saying--'Marie Hamilton, where 's your babe?
   For I am sure I heard it greet.'

'O no, O no, my noble Queen!
   Think no sic thing to be;
'Twas but a stitch into my side,
   And sair it troubles me!'

'Get up, get up, Marie Hamilton:
   Get up and follow me;
For I am going to Edinburgh town,
   A rich wedding for to see.'

O slowly, slowly rase she up,
   And slowly put she on;
And slowly rade she out the way
   Wi' mony a weary groan.

The Queen was clad in scarlet,
   Her merry maids all in green;
And every town that they cam to,
   They took Marie for the Queen.

'Ride hooly, hooly, gentlemen,
   Ride hooly now wi' me!
For never, I am sure, a wearier burd
   Rade in your companie.'--

But little wist Marie Hamilton,
   When she rade on the brown,
That she was gaen to Edinburgh town,
   And a' to be put down.

'Why weep ye so, ye burgess wives,
   Why look ye so on me?
O I am going to Edinburgh town,
   A rich wedding to see.'

When she gaed up the tolbooth stairs,
   The corks frae her heels did flee;
And lang or e'er she cam down again,
   She was condemn'd to die.

When she cam to the Netherbow port,
   She laugh'd loud laughters three;
But when she came to the gallows foot
   The tears blinded her e'e.

'Yestreen the Queen had four Maries,
   The night she'll hae but three;
There was Marie Seaton, and Marie Beaton,
   And Marie Carmichael, and me.

'O often have I dress'd my Queen
   And put gowd upon her hair;
But now I've gotten for my reward
   The gallows to be my share.

'Often have I dress'd my Queen
   And often made her bed;
But now I've gotten for my reward
   The gallows tree to tread.

'I charge ye all, ye mariners,
   When ye sail owre the faem,
Let neither my father nor mother get wit
   But that I'm coming hame.

'I charge ye all, ye mariners,
   That sail upon the sea,
That neither my father nor mother get wit
   The dog's death I'm to die.

'For if my father and mother got wit,
   And my bold brethren three,
O mickle wad be the gude red blude
   This day wad be spilt for me!

'O little did my mother ken,
   The day she cradled me,
The lands I was to travel in
   Or the death I was to die!

Submitted: Saturday, January 04, 2003

Do you like this poem?
0 person liked.
0 person did not like.

Read poems about / on: wedding, mother, father, tree, hair, travel, dog, sea, death, green, red, swimming

Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Comments about this poem (The Queen's Marie by Anonymous )

Enter the verification code :

There is no comment submitted by members..

Trending Poets

Trending Poems

  1. Daffodils, William Wordsworth
  2. If, Rudyard Kipling
  3. Madhushala, Harivansh Rai Bachchan
  4. Love, Sarah Flower Adams
  5. Stopping by Woods on a Snowy Evening, Robert Frost
  6. Invictus, William Ernest Henley
  7. No Man Is An Island, John Donne
  8. Your Laughter, Pablo Neruda
  9. Death is Nothing at All, Henry Scott Holland
  10. Annabel Lee, Edgar Allan Poe

Poem of the Day

poet Sarah Flower Adams

O Love! thou makest all things even
In earth or heaven;
Finding thy way through prison-bars
Up to the stars;
Or, true to the Almighty plan,
That out of dust created man,
...... Read complete »

   
[Hata Bildir]