Tire waaste hi sitam gar rahi hooN
Humesha se main tere dar par rahi hooN
Samajhta hai kyuN mujh ko pather sanam tu
Idhar dekh main din ba din mar rahi hooN
Jo rehta hai saaya mira ban ke wo to
Main be dard dunya se kyuN dar rahi hooN
Mujhe tu samajhne ki koshish na karna
Ke wusat meiN apni samandar rahi hooN
Mire mehrbaaN ab to nazr e karam kar
Ke apni qazayaeiN adaa kar rahi hooN
Hai shohrat muqadam na dunya ki hasrat
Main ban ke humesha Qalandar rahi hooN
kaNwal ishQ ko jo khuda hai banaaya
to uss ki ibaadat se dil bhar rahi hooN
This poem has not been translated into any other language yet.
I would like to translate this poem