Umaasa Sayo Poem by eyara Rambac

Patuloy mong iniilagan
ang bawat titig na hibang
ng isang talunang nilalang
na kung hangarin ka'y ganun na lang

Paano ka nabubulagan
sa hubad na katotohanan
na ako'y narito lang
at patulo'y mong iniiwasan

Paanong di ka naririndi
sa aking pagsusumo't mga hikbi
na ikaw lang ang nag-iisang lalaki
na sa aking pangarap ay nasasagi

Kaya nga muli'y aking aawitin
na sana ay sumanib sa hangin
ang himig ng pag-ibig na di maangkin
upang kahit minsan sayo ay makarating