Uran Sa Laog Kan Bus Poem by Xianah Park

Makatulala....

Dipisilon...

Mamundoon...

Makauyam...


Arog kan pagmati pag nakapasá ka ki mamahalon na porselana;
dai ka nakasimbag sa exam; zero ka
nawáran ka ki cellphone pati kwartang pambayad sa tuition;
tigbayáan ka kan padaba mo

Kagat-kuko. Kagat-labi.

Mainiton an panahon pero niata mauranon an sakuyang pagmati?
An uran nagtatagdo ali sa duwang mga mata;
sa duwang luho kan dungo
Nadadasok ki dai maeksplikar na bahá an puso

Tangad na sana sa bintana ta nganing mamara ining pig-agihan kan baha
Dai pa daw ini mamara kan saimong maliwanagon na pandok na pirming ulok?

Dapat palan su pinakadakulang shades ang tigbakal ko.






Bus pauling Legazpi aling Naga
1.26.14