dagur birtir grænkast grund
glæðist vöxtur á ný
bætast veður léttist lund
lífsins kær og hlý
aftur kemur ætíð vor
yndis blómin smáu
hverfur snjór með hreta spor
hríðarveðrin gráu
ástin býr í blíðu hjarta
bænin von og trú
þegar áttu úti bjarta
unaðs stund sem nú
mundu daga drauma þína
dýran lífsins seið
ei er gott í gleymsku' að tína
góðri lausnar leið
naumast áttu aðra betri
allt fram streymir nýtt
njóta lífs að loknum vetri
land með blómi frítt
(The Crew)
This poem has not been translated into any other language yet.
I would like to translate this poem