Yaad Aa Gai Poem by lokesh dangarh

Aaj khule aasmaa me tim-timaate taro ko dekha to bachpan ki yaad aa gai, maa ki lori or kahaniyon ki yaad aa gai.
jeete the kabhi bin tadpe kisi ki yaado me ik khushnumaa zindgi, aaj fir se wo zindgani yaad aa gai.
naani ke kisso or daadi ke nuskho ki yaad aa gai, papa ki pyari chapat or maa ke dulaar ki yaad aa gai.
aaj fir bachpan ki yaad aa gai, us alhadpan us naadani ki yaad aa gai.
na rehti thi koi fikr duniyadari ki, apni us mastaani duniya ki yaad aa gai.
yaaro sang maati me khelna or jhagadnaa, aaj fir us aangan ki yaad aa gai.
dekha jo ik maasum ko maa ki god me ithlaate, aankho me ik nami si chaa gai.
dil bhar aaya hokar ghar se dur, shehar ki khubsurat sadko pr bhi gaanv ke kachhe raasto ki yaad aa gai.
jharne, fawwaare, paark to khoob hai sheharo me bhi, fir bhi un khet-khalihaano us khuli hawaa ki yaad aa gai.
aaj fir bachpan ki yaad aa gai, us alhadpan us mastkhori ki yaad aa gai.