Nkululeko Mdudu

Rookie (11 October 1990 / Queenstown/ South Africa)

! @~zihla Ngamqala Mnye~~ - Poem by Nkululeko Mdudu

Awu! Inkomo kabawo
Yalalis’ uphondo!
Umelusi wayo
Yayingumfo wakwa Sipongolo.

Mhlanazana uthile,
Wayeyiqaqadekisa kuMalan pass,
Ngeezomini “zedom pass.”
Yayivuma ke nayo, ikhuthele,
Nangombala ikhethekile.
Yayilubhelu, inamanqina amnyama tshu!
Namehlo akhanyayo asoloko ethe thu!

Awu! Yatsho yandikhumbuza
Iphupha- leny’ inkabi; ungakhuza-
LikaHulushe kaNtsikana,
Ingaba niyamnakana?

Ngalemini kwakunesizungu,
Emadlelweni alal’ inkungu,
Kwezontaba zakwaMaqoma.
Yaletsheza yajong’ eluNweleni
Ingaziwa nokuba ithwele ni.

Awu! iKhwange Lamakhumsha
AkwaToyota! ladibana nomkrozo:
Owawukhokelwa lithole lakwa Ford,
Kuz’ inkunzi yakwa Mazda, kunye
Nemaz’ emnayama yakwa Volks Wagon,
Zenz’ umngcelele; loomajikojiko ziwagona-gon’.

Waye engxamile umfo wakwaSipongolo
neKhwange lamakhumsha licula kuhle
Lisithi “Vuuuu—uun! Vum-vuuuni!
Mawo! Lathi kanti limthumile,
Waqala wasika kwempambi kwakhe,
Wancumel’ ecaleni wasika kwakho;
Hay’ ayavum’ into yakwa Ford kwaphela,
Yangath’ ithi “uqhelil’ ukubenz’ amachela! ”

Yaba nguwashiywa nowashiywa,
Ingu tshe-tshe-tshe kwababukeleyo.
Zathi zakuthath’ ithafa,
Zaye zifuthelana emisileni.
“Suka kwedini wagilwa! ”
Ayesitsho amadod’ awaziyo umdlalo,
Atsho nanamhla xa abukele kwezonkalo.

Zathi zakuqabel’ eqolweni;
Asazi nokuba yabasisigqezu,
Okanye ubushushu bogqatso,
Kodwa uSipongolo akazange
Asibone isigadla simthe ntsho.
Waqabuka xa sibhongayo,
Kwaba kukhona asibonayo.

Wazibamba zatsha!
Latswin’ amatshi-tshi-tshi iKhwange
Lamakhumsha; umsila liwuthe qhiwu!
Hayi ke, saye sisith’ isigadla, “yithi gu! ”
Hayi ke, layiloo nto ukuqengeleka,
Laye lilivumela nethambeka.

Zafika kwangoko ekhaya ezi ndaba,
Labuz’ ixhego, nelalifuye elo khwange,
(Ndingayazi yintoni umnt’ atheng’ imoto
Engakwazi kuqhuba) ukuba lomfo ‘uhambe njani? ’,
Waphendula usomphanga ngelishwankathelayo,
Wathi: “uthe lomfo xa eqal' ukuthi qwaka,
Kwaba kanti koko kuye konke kusithi cwaka! ”


Comments about ! @~zihla Ngamqala Mnye~~ by Nkululeko Mdudu

  • Rookie - 213 Points Siyabonga A Nxumalo (11/29/2011 4:40:00 PM)

    mina ke ngikwethulela isigqoko, ngikugcoba, ngikuchoma uphaphe lwegwalagwala... (Report) Reply

    0 person liked.
    0 person did not like.
  • Rookie - 0 Points Anele The_african_son Potelwa (umbhali_wasembo) (10/28/2011 8:09:00 AM)

    Inene, ndiyawothula umnqwazi ngokungazenzisi, mayihlome mntakwethu. bhala ungayeki (Report) Reply

  • Rookie Catrina Heart (5/27/2009 8:28:00 AM)

    Well this maybe a great and fabulous poem only and if written or translated into an american english language....Thanks! ! ! ! ! ! ! ! (Report) Reply

Read all 3 comments »



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Wednesday, May 27, 2009

Poem Edited: Saturday, October 29, 2011


[Hata Bildir]