आगोन दानआव ओंखाम गोदान मोनजानानै
ओंखाम गोजामखौ जानो खहाबा जायो;
नोंनि आरो आंनि गोसोआ मालायखि खम?
...
नों आंखौ नोजोर होबाय थायो
दानदिसे थेन्थौनानै सुखि थानो मोना आं;
जारौ सान्दुंआव माय लामो आं
बेसेदि गोदोलाङो जाखांफिनो हार्थखि-अलंबार
...
नोंखौ लामायाव लोगो मोनब्लाबो रायज्लायनो हाया
सान हाबनायनि सिगां नआव गिदिंना फैफिनब्ला
रजे मानोबा नोंखौ गोसोखांनाया दाबलसिन जायो
बैग्रि गोमोन सिरिनायबादि गोग्लैनानै थायो आंनि सानस्रि
...
मैगं-मैला बुथुमनायनि सम दुंबुर एबा सुदेम मोनाबिलिआ
बे समाव सिख्लाफोरनि खोमा खोमा सिफुं सुयो मौसुमि बारआ
जिरोन गैयै गोसो हगारना बाज्लबाय थायो औवानि बिलाइ
अब्ला मावख्रुब-दांख्रुब गिदिंबोफिनो नआव आबादारि
...
आंनि गोसोखौ अनजालिनि बिखा सेराव बोलांना
गुस्थिखौ बाथ्रा बुंरोङै बबा खालामनानै
आथिंनि हाखौ नोङो दहमै नागोबोर होना
आंखौ जोमैआव दा फोजावहर फागुन
...
ओरैनो बुंनाय बाथ्रा नङा बियो
आं गावनि गोसोजों होननानै बुंथारो
नोंनि मेगन जानायमोनब्ला सयथि सायखनानै होगौमोन नोंखौ गोसो थोखोमाग्रा बिथांखौ
आं फोथायगोन फोथाया साननानै लायो
...
हाजोआव बारनाय बे बोथोरनि बिबार
आर थाइलिर बिफांआ जोबोद नायहरो बिथांखौ
बावखुंग्रिआ जेसेबां हायो एसेबांसिम बाज्लयो
अन्थाइआ अख्रांनि गाब गायै गायै रंजादों लामायाव
...
फुलिसखौ गिनायबादि रावनिबो लावथिखौ गिफेरा जोमैआ
अख्रा होनबा अख्रा जेथ' बिनावनो दामायनाय अख्रा
दिनैनि हराव मुलुग दावहामानि देरहासाद फायखिफोरबादि
अख्रां गंसेमानि जोमैआ गाग्लोबनानै लाबाय
...
गोसो थोनाय होनबाथाय गन्थंआनो
गथ' गोरलैबादि मेवलायथारो आंना,
गोसो थोनाय बिजिरगिरिफोरानो सोङो-
गोसो थोनाया माथो जिरादब्रा?
...
थांनांगौ होनबाथाय थांनांगौ
गोथैबारि एबा सुज्रायबारि एबा हाब्रुबारि
मेवखांलायखायो आंनि मोदोम एबा गोसो एबा आथिं
थैनाय एबा थांनायजों जेबो खोथा गैया दे
...