हम के फेकलू पेट माड़ा के
माईहो तू नीके काइलू
हम के ना जनमा के
का करिती हम तोहारा आताना
झोर झमेल मे आके.............................
अइला पर तू लोर चुवइतू
हम के ताकि लुका के
सासु ससुर के झासा
पाँसा गोतिनी से अझुराके
कतनों मन के धीरज धरितू
गांठ - गांठ सझुराके
चाचू बोली बोली के जइते
पापा धीर धराके
का करिती हम आके...................................
जइसे तईसे पोसितू पालितू
डाटि डपटि झरीया के
भाई के हम गोद खेलइती
बाग बगइचा जा के
गलती करिते भैया
मैया मरीति जे गरिया के
दुतकारी सब भरित
प्यार ना करिते गोद बिठा के
का करिती हम आके.........................................
मन के मनही रहित भाव
भरि जाइत नयन धिया के
तोहरा ओर चिताइती माई
हम टक टकी लगा के
भाई के कोरा मे लीहितू
हमके पास बोला के
मन मे काताना कुढि के रहितू
हमारा के जनमा के
का करिती हम आके.......................................
राज कुंवर के रानी बनिती
की लौउड़ी बड़का के
की आकाश के परी सुनीता
की प्रतिभा इन्दिरा के
की लक्ष्मीबाई हम बनिती
रखिती मान धरा के
बसनाचलित तोहार केहुपर
कहितू जो खिसिया के
केकरा खूंटा बान्हि के अइते
पापा जी घिसियाक के....... का करिती हम आके.........................
ashok chaubey
This poem has not been translated into any other language yet.
I would like to translate this poem