ANG PAG-IBIG NA TUNAY
Melvin Banggollay
Ang pag-ibig na tunay
ay handang i-aalay
pagsintang makulay
at wagas na pag-alay
ng kaisa-isang buhay
para sa ikaliligaya
ng kanyang sinisinta
hatid man nito sa kanya
ay kamatayan ika nga
ay di niya ito alintana.
Handa itong magparaya
Kung ito'y ikaliligaya
ng kanyang sinisinta
Kahit hatid sa kanya
kapaitan at mga luha
Pagkat handang ibigay
ang lahat mang bagay
Kahit kaligayang tunay
maipakita lang ang kulay
ng pag-ibig na tunay.
This poem has not been translated into any other language yet.
I would like to translate this poem