Hae ye lain in a barn on a swatch o hye
An watched throw the wide laft door
The meen rise ower a sleepin ferm?
Thon’s a sicht tae hunger for!
The yoam o the lan is girssy green
As the Meen frae her starnie riddle
Skitters the dyew alang the grun
Bricht pearls in a luver’s idyll
Hae ye lain in a barn on a swatch o hye?
Nae bed afore or since
Wis iver as braw, far the saft wins blaw
Fit bield for a royal prince
This poem has not been translated into any other language yet.
I would like to translate this poem