ଘର ଆଉ ଗଛ House And Tree Poem by Gajanan Mishra

1

ଗୋଟିଏ ଘର,
ତିଆରି ସରିଲା
କିନ୍ତୁ ଲଗା ଗଲା ନି
କବାଟ ଝର୍କା
ଘରଟା ଥିଲା
ଠିଆ ମେଲା।

ଦେଖିବାକୁ ଇଚ୍ଛା ଥିଲା
ଯୋଉଟା ଦିଶୁ ନ ଥିଲା।
କାନ୍ଦ ବୋବାଳି ଭିତରେ
ହଜୁଥିଲା ସତମିଛର
ରହସ୍ୟଘେର।

ଗୁପ୍ତ ଆଡ୍ଡା ଆଉ
ଦେଖିଲା କିଏ କାହାର!
ଲୁହ ପୋଛୁ ଥିଲା
କୁହୁଡିଭର୍ତ୍ତି ସକାଳ ପତର।

2

ଗୋଟିଏ ଗଛ,
ଗୋଟିଏ ଗଛ ପାଇଁ
ଯେତେ ଯାହା ଏଠି।
ଗୋଟିଏ ଗଛ ପାଇଁ
ଆମେ ସଭିଏଁ ଏକାଠି।

ଗଛକୁ
ଗଛ କହିଦେଇ
ଛାଡିଦେଲେ ହେବ ନି
ଗଛ କରେ କଣ
ଆଉ ଗଛ ନ ଥିଲେ
ହୋଇଥାନ୍ତା କଣ
ସବୁ ଆଲୋଚନାର ବିଷୟ।

ଗଛକୁ ଗଛ ଜାଗାରେ
ଛାଡିଦେଇ ଆଉ ଅନ୍ୟ କୁଆଡେ
ହେବ ଯାଇ ଏମିତି
ଭାବନା ବି ନାଇଁ।