હું તો પુષ્પ છું.. hunto push chhu Poem by Mehta Hasmukh Amathaal

હું તો પુષ્પ છું

હું તો પુષ્પ છું
એક છોડનું
પ્રકૃતિ ના સૌન્દર્ય નું
સમ્મોહક નજરાણું।

હું તો રચના છું
એક કાવ્ય ની
કલ્પનાની ઝાંખી ની
મૂર્તિ ની તાસીર છું।

હું તો ઝરણું છું
એક સરિતા નું
ખળખળ વહેતું
નીલધાર ની જલધાર નું।

હું તો ચેતનાનો નાનો અંશ છું
ઉદરનો ધબકતો ધબકાર છું
પળ પળ રુધિર નસમાં વહે
રક્ત નો હું સંચાર છું।

કરુણાંતિકા ની વેદના
સંવેદના નો ભાગ છું
જીવન ની રંગીની રાહ નો
સંગીત નો જ એક ભાગ છું।

સુર ફેલાવે સરગમ
રાગીણી નો એક જ ભાગ છું
જીવન ની આગેકુચ નો
પણ દડમઝલ નો ભાગ છું।

તરણા ઓથે ડુંગર
પાષાણ નો એક ભાગ છું
દુનિયા જોવે યા નાં જોવે
સૃષ્ટિ નો એક ભાગ છું।