Gham se labrez din dukh bhari sham hay,
Mere honton pe ab tak tera nam hay.
Waqt phir dastan apni dohra raha,
Koi hay kamran koi nakam hay.
Kal ki woh muskurahat bani ashke gham,
Kaisa aghaz tha kaisa anjam hay.
Jism bejan hay rooh veeran hay,
Zindigi keya bheyanak sa ilzam hay.
Hum bhi majboor hayn tum bhi majboor ho,
Ishq majboorion ka haseen nam hay.
Kash saya bhi hota tumhara yehan,
Kitnai rangeen yeh surmai sham hay.
Tum samajh kar bhi jisko samajh na sake,
Meri aankhon mein ek aisa paigham hay.
This poem has not been translated into any other language yet.
I would like to translate this poem
Awesome............. Hum bhi majboor hayn tum bhi majboor ho, Ishq majboorion ka haseen nam hay. Tum samajh kar bhi jisko samajh na sake, Meri aankhon mein ek aisa paigham hay. Love it..........