ପାଟଣାଗଡ ପାଟଣାଗଡ ପାଟଣାଗଡ
ଗଜାନନ ମିଶ୍ର
ମୋ ସ୍ୱପ୍ନ
ମୋ ଜାଗୃତି
ମୋ କବିତା
ମୋ ଜୀବନର
ସାମଗ୍ରିକ ସୁନ୍ଦର
ଅମୃତମୟ ନିତ୍ୟ
ଇସ୍ତାହାର,
ବଢି ମରୁଡି
ଆଲୁଅ ଅନ୍ଧାର
ସମୟ ଅସମୟ
ବନ୍ଧୁତା ଶତ୍ରୁତାର
ଅଲୌକିକ ଦିବ୍ୟ
ସମାହାର,
ଦୂର ପାଖ
ଦେଖା ଅଦେଖା
ସ୍ନାୟୁଶିରା
ପ୍ରଥା ବିଶ୍ୱାସ
ଆରୋହଣ ଅବରୋହଣର
ସତ୍ୟ ପ୍ରେମ ପ୍ରକ୍ରିୟା
ସଦା ସର୍ବଦା ସାକ୍ଷୀ
ଯେଉଁଆଡକୁ ଗଲେ ବି
ଯୋଉଠି ଥିଲେ ବି
ପାଟଣାଗଡ ପାଟଣାଗଡ
ପାଟଣାଗଡ ମତେ ଡାକେ
ଡାକୁଥାଏ ଫେରି ଆ ଫେରି ଆ
ଫେରି ଆ, ଆଉ ମୁଁ
ମୋ ଭିତରେ କବିତାରେ
ସାହିତ୍ୟରେ ଉବୁକା ମାରୁଥାଏଁ
ଆହୁରି ଆହୁରି ମାଟି ଆଉ
ଆକାଶ ମଝିରେ
ସଚରାଚରକୁ ଜାବୋଡି ଧରି
ସଚରାଚରର ମଙ୍ଗଳ ପାଇଁ
ପାଟଣାଗଡକୁ ଚୁମି ଚୁମି
ଆଉ ଯାଉଥାଏ ଖୋଲି ଖୋଲି
ସବୁ ରଙ୍ଗୀନ ଆଲୁଅର
ସବୁ ସବୁ ଆନନ୍ଦର ଦ୍ୱାର,
ଦ୍ୱାର ପରେ ଦ୍ୱାର,
ଦ୍ୱାର ପରେ ଦ୍ୱାର।
ତପୋବନ, ଟିଟିଲାଗଡ, ବଲାଙ୍ଗିର
28/5/2019
This poem has not been translated into any other language yet.
I would like to translate this poem
it evokes nostalgia.sunder kabita