କବି Poet Poem by Gajanan Mishra
Gajanan Mishra
କବି Poet
ଯେହେତୁ କବି
ଗଜାନନ ମିଶ୍ର
ଯେହେତୁ ମୁଁ
ପାରିଲି ନି ସାମିଲ ହୋଇ
କୌଣସି ଗୋଷ୍ଠୀରେ ଦଳରେ
ଆଉ ରହିଲି ଏକା ହୋଇ,
ହୋଇଗଲି ମୁଁ କବି।
ଯେହେତୁ ମୁଁ
ମୋ ଭାବନାରେ ଏକା ଆଉ
ମୋ ସତ୍ଯ ପଥରେ ରହି
ପାଇଲି ଆନନ୍ଦ ସଦା
ଆଉ ଯେହେତୁ ମୁଁ
କାମନା କଲି ସଭିଙ୍କର
ମଙ୍ଗଳ ସବୁଠି
ହୋଇଗଲି ମୁଁ କବି।
ଯେହେତୁ ମୁଁ
କଲି ନାଇଁ ପାତରଅନ୍ତର
କଳାଗୋରା ସାନବଡ
ଶକ୍ତ ଅଶକ୍ତ ଆଉ ଯେହେତୁ ମୁଁ
ପଦ୍ମକୁ ଆଉ ପଙ୍କକୁ ଭାବିଲି ଏକ
ସ୍ବତନ୍ତ୍ର ନିତ୍ଯ ନୂତନ
ରଙ୍ଗୀନ ଆଲୁଅ ବରଦାନ
ସୂର୍ଯ୍ୟ ଚନ୍ଦ୍ରଙ୍କୁ ଆଣି ରଖିଲି
ନିଜ ଭିତରେ ଆଉ ଫୁଟେଇଲି
ବାସଯୁକ୍ତଫୁଲ ଆଉ ସଚରାଚର
ସଭିଙ୍କୁ ବାଣ୍ଟି ବାଣ୍ଟିଗଲି ଅମୃତ
ନକରି ବାଛବିଚାର ନିଜପର
ବୋଇଲେ ସଭିଏଁ ମତେ କବି।
ଯେହେତୁ ମୁଁ କବି,
ଦେଖେଇଲି ସଭିଙ୍କୁ
ନିତ୍ୟନୂତନ ଛବି
ଆଉ କହିଲି କର ନି ଦୁଃଖ
ଏଠାକାର ଏସବୁ କିଛି ନୁହଁ ତୁମର
ଆସିଛ ଅଛ ଯାଉଛ ଦେଖୁଛ
ସବୁଠି ଅଛ କୋଉଠି ନାହଁ
କୋଉଠି ନାହଁ ସବୁ ଭୋଗୁଛ
ମାଲିକ ଚାକର କେହି ନୁହଁ କାହାର
କେହି ନୁହଁ କୋଉଠି ପ୍ରତିଷ୍ଠାତା
କି ସୂତ୍ରଧର।
ସାମିଲ ହୁଅ କହିଲି
ଅଲଗେଇ ହୁଅ କହିଲି
ଭୋଗ ଜୀବନ ସମୟ,
ସମୟକୁ ସମୟ ଚାଲିଛି
ପାଅ ଶାନ୍ତି ପ୍ରତି ସମୟରେ,
ବଦଳି ବଦଳି ଭାବି ଭାବି
ଆଉ ଯାଅ ତୁମେ ବି ହୋଇ କବି
ତୁମେ ବି ହୋଇ କବି
ତୁମେ କବି।
ତପୋବନ, ଟିଟିଲାଗଡ, ବଲାଙ୍ଗିର
31/5/2019
This poem has not been translated into any other language yet.
I would like to translate this poem
Gajanan Mishra
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
5/6/2024 6:37:54 AM # 1.0.0.1119
ଯେହେତୁ ମୁଁ ପାରିଲି ନି ସାମିଲ ହୋଇ କୌଣସି ଗୋଷ୍ଠୀରେ ଦଳରେ ଆଉ ରହିଲି ଏକା ହୋଇ, ହୋଇଗଲି ମୁଁ କବି। Touching expression! The joy that you derive from poetry by being a genuine poet with a sublime poetic heart can't be expressed through words! A beautiful poem....10