କବି, ମୁଁ Poet, I Am Poem by Gajanan Mishra

ନାମମାତ୍ର କବି
ଗଜାନନ ମିଶ୍ର

ହଁ
ନାମମାତ୍ର କବି ମୁଁ।
ଠିକ୍ ଶବ୍ଦ ଠିକ୍ ବେଳେ
ଠିକ୍ ଜାଗାରେ
ରଖି ପାରେ ନି କି
ସତରେ!
ଆଉ ଏଇ ସୁଯୋଗରେ
ହେଉଛି ମୁଁ
ଚଢଉର ଶିକାର।
ସମୟ କରୁଛି ଚଢାଉ
ମୋ ଉପରେ
ଆଉ ମୁଁ ନାମମାତ୍ର କବି
ଦେଖ ଅସହାୟ କେତେ!
ସୁଯୋଗ ଦେଖି
ଚାକରବାକର ବି
ମୋ ଉପରେ ଫୁତ୍କାରୁଛନ୍ତି।
ମୁଁ କବି ନାମକୁ ମାତ୍ର,
ଶବ୍ଦ ଅଣ୍ଟୁ ନି
ସରୁଛି ସମୟ।
ଜୀବନ ସରୁଛି
ରାସ୍ତା ସରୁ ନି।
ମୁଁ କବି ମୂଲିଆର
ଶ୍ରମିକର
ମୁଁ କବି
ଭୋକିଲା ଶୋଷିଲାର
ମୁଁ କବି
ନାମକୁ ମାତ୍ର କବି
କାହା ପାଇଁ
ପାରୁ ନି କରି କିଛି।
ଗାଁ ମୁହାଁ ଯାଉଛି
ଗାଁ ଯାଉଛି ଦୂରେଇ।
ସ୍ଥିତି କଣ ମୋର?
ମୁଁ କବି
ନାମକୁ ମାତ୍ର କବି।

ତପୋବନ, ଟିଟିଲାଗଡ, ବଲାଙ୍ଗୀର
14/05/2020