Sahara Chaahta Hoon Poem by raziuddin razi

kisi ka phir sahara chaahta hoon
aziat hi dobara chaahta hoon

yeh mayra karobar e zindagani
munafay main khasara chaahta hoon

khushi mujh ko wo aadhi day chuka hy
magar main dukh to saara chaahta hoon

main apni zid main paspa ho raha tha
wo yeh samjhay ke haara chaahta hoon

mujhy marna to hay apni khushi say
magar us ka ishara chaahta hoon

kinaray say palat kar aa gia hoon
main ab kis say kinara chaahta hoon