କହ ନାମ, କହ ବାସସ୍ଥାନtell Name Tell Residence Poem by Gajanan Mishra

ନାମ କହ,
କହ ନାମ,
କହ ବାସସ୍ଥାନ।
ଅଛି କଣପାଇଁ, କହ।
କହ, ନ ଥିଲେ
କଣ ହୋଇଥାନ୍ତା।

ଏତିକି ସେତିକି ହେଲାଣି,
ତଥାପି ପଡୁ ନି ମନେ।
ଜଙ୍ଗଲଘୁରା ଆହୁରି
ଅଛି ଢେର୍।
ଗଲ କେମିତି ଆଉ ଅଛ
କୋଉ ଯାଏ ଅଗୋଚର
ତୁମକୁ ଆଉ ମତେ ବି।

କିଏ କାହାର କେମିତି
କାଟୁଛି ଗୋଛି,
ଜାଣିବାକୁ ଆଗ୍ରହ।
ଲାଭାଲାଭ ତେଣିକି ଥାଉ,
ତୁମ ଭିତରେ କିଏ
ମୋ ଭିତରେ କିଏ
ହେବ ଦେଖିବାକୁ।
ଭିନ୍ନାଭିନ୍ନ ନାହିଁ
କି ନ ଥିଲା, କି
ରହିବ ନାହିଁ।
ତଥାପି ପାତରଅନ୍ତର
କିଆଁ ପଡୁ ନି ବୁଝା।

ଯୋଉଠି ଥ,
ଥ ମୋର ହୋଇ।
ଯେମିତି ଯାହା କର,
ପାଇବ ସେମିତି,
ହେବ ନି ବିଳମ୍ବ ।
ଗୋଟିଏ ଇ ସମୟ
ତୁମର ମୋର।
ବାସ୍ନାମୟ।