The Four Seasons Of Glasgow Poem by Andrew Matthews

There's snaw on the hills again
Aye it's that time o' year again
When it's so cauld yer bogeys freeze up
And it's kinda hard to pick them aff yer tap lip
Aye stiff upper lip awe right
Ach a wee drink o' wine'll sort me oot
That's better.
But no tae worry, the spring'll soon be here.

The spring eh

Aye the Spring, when awe'bodys thawin' oot
And am always soakin' wi' wa'ter
And see the doubts yies leave on the grun'
They're nae use tae man nor beast when they hit the wa'ter
Oh an' am feart tae ponce affy folk noo
Cause a' might get beltit in the mooth
Aye it's bloody terrible.
Ach well the Summer'll soon be arrivin'.

The Summer eh

Aye time tae peel aff yer longjohns
and put them back in yer pocket
'till the cauld weather comes in again
Och but the heat, Jesus
Am fair swelterin' in this auld burst anorak
But it's aboot awe i've goat and I dare'nae
take it aff, fur fear some swine'll steal it oot ma' haun.'

Ach well it'll be turnin' cauld again wi' leaves faw'n.

Och aye Autumn

The sky's gettin' darker awe the time
And the days shorter, and life harder again
Och but see when it's no been rainin'
an they leaves faw aff they big trees doon the green
Aye they're rare an warm fur a bed at night
but if it's too windy their no'
Ach well a may as well turn in fur the night.

Ach it's getting cauld again.